|
" باز امد بوی ماه مدرسه بوی بازیهای راه مدرسه" بوی ماه مهر ماه مهربان بوی خورشید پگاه مدرسه از میان كوچه های خستگی می گریزم در پناه مدرسه باز می بینم ز شوق بچه ها اشتیاقی در نگاه مدرسه باز بی باغ را خواهم شنید از سرود صبحگاه مدرسه روز اول لاله ای خواهم كشید سرخ بر تخته سیاه مدرسه
ادامه مطلب + نوشته شده توسط سووسةن ئيسماعيلي در چهارشنبه یکم مهر 1388 و ساعت
18:19 |
له رۆژی 28ی گهلاوێژ نزیك دهبینهوه. 28ی گهلاوێژ به لای منهوه دوو مانای ههیه و به بیر هێنهرهوهی دوو رووداوی مێژووییه. رووداوی 28ی گهلاوێژی 1332ی ههتاوییه كه مصدق به كودتاییهكی نیزامی له سهر كار دهركرا و ئهویتر 28ی گهلاوێژی 1358 ه كه پیری جهماران فهرمانی هێرشی بۆ سهر كوردستان دهركرد. من هیچكات ئهم رۆژهم خۆش نهویستووهو خۆشم ناوێ. چون مێژووی 30 ساڵ داگیركاری ولاَتهكهم لێرهوه دهستی پێ كرد. + نوشته شده توسط سووسةن ئيسماعيلي در پنجشنبه پانزدهم مرداد 1388 و ساعت
12:53 |
مامه قاله تۆ راست دهكهی بێ وهفایه ئهم دهورانه جارێ له وتووێژێكیدا وتبووی، من بمرم شمشاڵیش دهمرێ. ئێستا تهندرووستی باش نییه و له بهشی ICU دایه و دوكتۆرهكان له شاشهی مانیتۆرێكهوه ههردهم چاو له لێدانی دڵی شمشاڵ دهكهن. تۆ بڵێی جارێكی تر قالهمهڕه، به خۆی و شمشاڵهكهیهوه بێتهوه لامان و جارێكیتر "هاتهوه هاتهوه تهیرهكهی گهرمێنه" ، "كیژان دهچنه مێرگینه" و .... بژهنێ و دڵی ئهویندارانی شمشاڵهكهی شاد بكات. تۆ بڵێی ئهمجاره شمشاڵ، ئهم ئالهته مۆسیقایه كه بێ ناز كراوه به جارێ ماڵئاواییمان لێ بكات؟ بهشێكی زۆری ژیانی به چهرمهسهره بردۆته. خۆی گوتهنی رهنگی خۆشی نهدیوه، ههر دهم خۆی بووهو شمشاڵهكهی، له گهڵ شمشاڵهكهی ژیاوهو خهم و ئازار و خۆشی و ناخۆشی له گهڵ شمشاڵهكهی بهش كردوهو به شمشاڵهكهی دهریبڕیوه. نه چاو له دهستی كهس بووهو نه چاوی بڕیوهته ماڵی كهس، دهتوانین بڵێین: له سایهی عیزهتی نهفسی له باڕهش مهرحهبا ناكا كراسی بهری خۆی دهدرێ سواڵی سهر كهوا ناكا ئێستاش شاشهی كامپیۆتهرهكان له ژووری ICU هێلی لێدانی دڵی نیشان دهدهن، له گهڵ لێدانی دڵی ئهودا دڵی ههموومان، ههموو ئهوانهی هۆگری شمشاڵهكهی مامه قاله بووین لێ دهدا، ههموومان چاوهڕێین لهو ژوورهوه ههواڵێكی خۆشمان پێ بگا و پێمان بڵێن مامه قاله، به خۆی و شمشاڵهكهیهوه دێتهوه. + نوشته شده توسط سووسةن ئيسماعيلي در جمعه یازدهم اردیبهشت 1388 و ساعت
13:32 |
ئا: سووسهن ئیسماعیلی " دهربارهی ئازادی " كتێبی سیاسی –فهلسهفی جان ستوارت میله كه ساڵی 1859 واته 150 ساڵ لهوه پێش بلاَو بۆوه. جان ستوارت میل (1873-1806) بیردۆزێكی بهریتانیاییه سهر به قوتابخانهی لیبرالیسم. مۆدێلی جان ستوارت میل له دیمۆكراسی مۆدێلێكی ئهخلاقییه له ناو مۆدێلهكانی دیمۆكراسی لیبراڵدا كه جهختی دهكردهوه له سهر گهشهی مرۆڤ. كتێبی "دهربارهی ئازادی) یهكێكه له ناودارترین بهرههمهكانی كه له بهرامبهر دوو مهترسیدا داكۆكی له ئازادی دهكات. مهترسی یهكهم سهرچاوه گرتووه له دهسهلاَتی زاڵ و مهترسی لهوه خراپتر ، مهترسی هێزی ترسێنهری بیروڕای گشتییه. سهرهڕای تهمهنی زۆری ئهم كتێبه ، نوێ بوونی ئایدیاكانی و ئامۆژهكانی درهوشانهوهیهكی بێ وێنه دهدا بهم بهرههمه. ئهم بهرههمه "دهربارهی ئازادی" كهلتوورێك گهشه پێ دهدا كه خهبات بۆ ئازادی له زۆربهی ولاَتهكاندا بێ ئهو ئایدیایه بێ ئهنجامه. وهك ئهوهی ئهم كتێبه بۆ یارمهتی دان و نههێشتنی كۆسپهكانی بهردهم دیمۆكراسی له بهشێكی زۆری ولاَتی ئهمڕۆیی و به تایبهت ولاَتانی جیهانی سێههمدا نووسراوه. بلاَو بوونهوهی ناوهرۆكی ئهم بهرههمه له كۆمهڵگای ئێمهدا، له ناو رووناكبیران و كهسانی عاددی دا، پێویستییهكه كه ههر خوێنهرێك پاش خوێندنهوهی بهو پێویستییه دهگات. ادامه مطلب + نوشته شده توسط سووسةن ئيسماعيلي در جمعه چهاردهم فروردین 1388 و ساعت
23:41 |
كه نهورۆز دێ من دوو كهسم یهكیان شینی ههڵهبجه دهگێڕێ و ئهوی تریان به دهور ئاگره سوورا سهما دهكا
من له بیرم نایه، یانی نهبووم تا له بیرم بێت كه ئهو رۆژه ههڵهبجه چۆن بوو و چۆن گوزهرا. بهلاَم دهگێڕنهوه و دهیخوێنمهوهو له شاشهی تی وییهوه دهبینم چۆن ههڵهبجه بووكی شارهزوور بوو به قوربانی شهڕترین دهسكردی خودای شهڕ. ئێستا كه میدیاكان نیشانی دهدهن ئاستی گهوره بوونی ئهو كارهساته دهبینم. دهبینم یانی چی بهوهی 5000 ههزار ئینسان له یهك چركهساتدا به گازی خهردڵ بخنكێن. زۆر جار كه گوێ لهو گۆرانییهی میدیا حسێن دهگرم فرمێسك به چاوما دێته خوار. به ڕاست شارهزوور سهوزی پۆشابوو ههڵگهڕا به سوور. یان رهنگه لاوكی ههڵهبجهی رهفیق سابیر جوان وهسفی ئهو كارهساته بكا ئهو كاتهی دهڵێ به تهنیا جێی مههێڵن ئهمشهو زریان دهیچێنێ. تهم و مژ دای دهپۆشی مانگهشهو دیڕفێنێ ئهمڕۆ 2 شهممه 16ی مارسه، 2 رۆژی تر چوارشهممه سوورییه، نازانم چوارشهممه خۆشحاڵی بكهم به دهور ئاگرهسوورهدا سهما بكهم بڵێم ئاگره سووره، زهردی من بۆ تۆ ، سووری تۆ بۆ من یان دانیشم و بۆ 5000 ههزار قوربانی ههڵهبجه بگریم. 5 رۆژ تر نهورز جێژنی نهتهوهیی ئێمهیه. بهڕاست بۆ دهبێ جێژنی نهتهوهییمان له شیوهنێكی وهها گهورهوه نزیك بێت. ئێوارهی نهورۆز چ بكهم؟ شادی یان شیون؟ سهما یان كز دانیشتن؟
+ نوشته شده توسط سووسةن ئيسماعيلي در دوشنبه بیست و ششم اسفند 1387 و ساعت
11:30 |
ئهمڕۆ 8ی مارس رۆژی جیهانی ژنانه. رۆژێ كه بووه به رهمز و سیمبۆلی خهباتی ژنان دژ به چهوسانهوه له لایهن سیستهمی پاتریاكییهوه. لهم رۆژهدا سهرجهم ژنانی جیهان بێ له بهر چاو گرتن رهنگ و نهژاد تێكڕا دژ به سیستهمی زاڵ ههڵوێست دهگرن. بهلاَم با له كۆمهڵگای خۆمان بپرسین، له لای ئێمه تا چهن ئاگاداری و زانیاری ههیه دهربارهی ئهم رۆژه؟ یان نه تاكی ئێمه مافهكانی خۆی دهناسێت؟ ئاخۆ ژنانی ئێمه دهزانن كامه مافیانه و كامه نییانه؟ له كۆمهڵگایهكدا كه ژنان خۆیان بهشێكن له سیستهمی پیاو سالاری زاڵ و له ناو ئهو كولتوورهدا به كۆمهڵێك پاساوی ئایینی و عورفییهوه تواونهتهوه و بهردهوام ههوڵ دهدهن كچان و ژنانی دوای خۆیان به ملكهچی ئهو كولتووره پهروهرده بكهن، دهبێ بڵێن به داخهوه كهمترین ناسین ههیه دهربارهی مافهكانی تاك. سیستهمی عهشیرهیی، سیستهمی پهروهرده، بونیاد و ستراكچری بنهماڵه، ئایین، دهسهلاَتی سیاسی، وبێ ئاگایی ژنان و…. ههموو ئهمانه دژ به مافهكانی ژنانن له كۆمهڵگادا. كه وایه پێویستمان به شۆڕشێكی رادیكاڵ ههیه بۆ گهیشتن به مافهكانمان. + نوشته شده توسط سووسةن ئيسماعيلي در یکشنبه هجدهم اسفند 1387 و ساعت
12:4 |
سوسن ئيسماعيلي له مێژه نهمتوانیوه بابهتی تازه دا بنێم، له بهر سهرقاڵی و كۆمهڵێك كاری تر نهمپهرژاوه بهوهی هیچ بنووسم، بهلاَم لهم رۆژانهدا ئهوهی زیاتر له ههر شتێك مێشكی داگرتووم، خۆپیشاندانی خهڵكی مهریوانه دژ به سیاسهتهكانی رژیم لهو شارهو ناڕهزایهتی دهربڕین بهوهی كه سنوورهكان داخراوه. له حاڵێكدا له كوردستان كهمترین خزمهتگوزاری نییه، له حاڵێكدا به پێی سیاسهتی ههلاَواردنی نهتهوهیی له لایهن رژیمهوه به ئهنقهست ههوڵ دهدرێ كوردستان ههژار بهێڵدرێتهوه، ئاخۆ خهڵك چیان له دهست دێ ئهگهر بۆ بژیوی ژیانی خۆیان روو نهكهنه كاری مهترسی داری سهر سنوور؟ ئهوان به ههزار بڤه لهرزه و ترسهوه ، لهوهی كه ئاخۆ نهكهونه سهر مین، ئاخۆ بارهكانیان نهگیردرێ، ئاخۆ تهقهیان لێ نهكرێ( كه رۆژانه شاهیدی ههواڵی دڵتهزێنی سهر سنوورهكانیان) بۆ بژیوی ژیانیان روو دهكهنه كار كردن له سهر سنوورهكان، كه چی دهست و پێوهندهكانی رژیمی كۆماری ئیسلامی ئهو كاره پڕ مهترسییهشیان پێ رهوا نابینن. ههر بۆیه خهڵكی شاری مهریوان تێكڕا له رۆژی دووشهمهوه دهستیان داوهته مانگرتن. به لای منهوه ئهم ههنگاوهی ئهو جێگای رێزه و پێویسته پشتیوانیان لێ بكرێ.
+ نوشته شده توسط سووسةن ئيسماعيلي در جمعه شانزدهم اسفند 1387 و ساعت
22:15 |
ن: سووسهن ئیسماعیلی رێكخراوی چاودێریی جیهانی مافی مرۆڤ له راپۆرتێكدا كه رۆژی ههینی 20ی بهفرانباربلاَوی كردهوه، داوای له كۆماری ئیسلامی كردوه دهسته واژه و پێناسهگهلی گشتی و ئاڵۆز له یاسای ئهمنییهتی نهتهوهییدا بگۆڕێ كه بۆ سهركوتی نهیارانی ئاشتی خواز له ناوچه كورد نشییهنهكان كهڵكیان لێ وهردهگرێ و كۆتایی بێنێ به دهستگیر كردنی سهرهڕۆیانهی نهیاران و رهخنهگرانی خۆی. لهم راپۆرته 42 لاپهڕهییهدا له ژێر ناوی :" ئێران ئازادی رادهربڕین و كۆڕ و كۆبوونهوه له ناوچه كوردنشینهكان" بلاَو بۆتهوه، باس له كهڵك وهرگرتنی نابهجێی بهرپرسانی ئێران له یاسا ئهمنییهتییهكان، راگهیاندن و یاساكانی تر بۆ دهستگیر كردنی ئێرانییهكان دهكات. ئهم كهسانه له بهر ئهوهی خوازیاری مافی رهوای خۆیانن كه مافی ئازادی رادهربڕین و كۆڕ و كۆبوونهوه ساز كردنه, دهستگیر دهكرێن. ئهم راپۆرته ئاماژه بهوه دهدات كهڵك وهرگرتن لهم یاسایانه بۆ سهركوتی كهسهكان رووداوێكی تازه نییه، بهلاَم له سهرهتای دهستپێكردنی سهردهمی سهرۆك كۆماری ئهحمهدی نژادهوه له ئووتی 2005هوه توندتر بۆتهوه ادامه مطلب + نوشته شده توسط سووسةن ئيسماعيلي در شنبه بیست و یکم دی 1387 و ساعت
11:20 |
بهره بهیانی 16ی سهرماوهز، له كاتی چوون بۆ زانكۆدا، خوێندكاران زانیان زانكۆ میلیتاریزه كراوهو دۆخێكی نائاسایی به سهر زانكۆدا زاڵه، ههر بۆیه پێش بینی ههر رووداوێكیان دهكرد. خوێندكاران ههوڵیاندا هیچ بیانوویهك نهدهن به دهستهوهو هیچ كارێ نهكهن بهوهی ببێ به بیانوو بۆ هێزه نیزامییهكان، ههر بۆیه خوێندكاران به ئارامی چوونه سهر پۆلهكانی دهرس ، بهلاَم سهربازهكان بوون به چاوساغی چهن پۆلیسێكی ئهمنییهتی . ساعهتی یهكهم هیچ شتێكی گرینگ رووی نهدا، له بهر ئهوهی خوێندكاران هیچ بیانوویهكیان نهدا به دهست هێزه نیزامییهكانهوه. هیزه نیزامییهكان رژانه زانكۆ و دهستیان كرد به دهستگیر كردنی خوێندكاران و چهند مامۆستایهكیش دهستگیر كران و به توندی لێیان درا. له لایهن هێزه ئهمنییهتییهكانهوه زانكۆ داخرا و فهرمان درا به خوێندكاران بڕۆنهوه ماڵهكانی خۆیان. خوێندكارانیش له سهر قسهی بهرپرسانی زانكۆ، له زانكۆ چوونه دهرهوه، بهلاَم هێشتا تهواو نهڕۆشتبوونه دهر كه كووتووپڕ سهربازهكان هێرشیان كرده سهر خوێندكاران، بیانویان بۆ ئهم هێرش كردنه ئهوه بوو كه گۆیان دوو خوێندكار ناڕهزایهتییان دهربڕیوه به میلیتاریزه كردنی زانكۆ، بهم شێوه یه له لایهن نیزامییهكانهوه تهقه له خوێندكاران كرا ادامه مطلب + نوشته شده توسط سووسةن ئيسماعيلي در یکشنبه هفدهم آذر 1387 و ساعت
20:6 |
ن: سووسهن ئیسماعیلی دوو ههواڵنێری تایبهتی مافی مرۆڤی رێكخراوی نهتهوه یهكگرتووهكان به توندنی نیگهرانی خۆیان له باردووخی ژنان له ئێران و ههڵسووكهوتی كۆماری ئیسلامی له گهڵ ژنان دهربڕیوهو ههڵسووكهوتی كۆماری ئیسلامییان بهرامبهر به ژنان به وشهگهلێكی وهك "ترساندن"، سهركوت" و" ئازار" وهسف كردوهو ئهم ههڵسووكهوتانهیان به شتێكی ناڕهوا زانیوه. مارگات سكاگیا ههواڵنێری تایبهت به لێكۆڵینهوه له "باردووخی لایهنگرانی مافی مرۆڤ" و یاكیك ئۆرتۆرك ههواڵنێری تایبهت به تاوتوێ كردنی پرسی "توندووتیژی دژ به ژنان و هۆكار و ئهنجامهكانی" لهم راپۆرتهدا جهخت له سهر ئهوه دهكهنهوه كه لایهنگرانی مافی ژن له ئێران له ماوهی 2 ساڵی رابردوودا بهردهوام له ژێر گوشاردان. ادامه مطلب + نوشته شده توسط سووسةن ئيسماعيلي در یکشنبه دهم آذر 1387 و ساعت
20:37 |
|
|
